Bathinda News:ਬੀਤੇ ਸ਼ੁੱਕਰਵਾਰ ਰਿਟਾਇਰਡ ਮਿਉਂਸਪਲ ਇੰਪਲਾਈਜ ਯੂਨੀਅਨ ਨਗਰ ਨਿਗਮ ਬਠਿੰਡਾ (ਰਜਿ.) ਦੀ ਇੱਕ ਟੀਮ ਫਾਜ਼ਿਲਕਾ ਜ਼ਿਲ੍ਹੇ ਦੇ ਹੜ੍ਹਾਂ ਦੀ ਮਾਰ ਹੇਠ ਚਾਰ ਪਿੰਡਾਂ ਤੇਜਾ ਰੁਹੇਲਾ,ਰੇਤੇ ਵਾਲੀ ਢਾਣੀ,ਢਾਣੀ ਸੱਦਾ ਸਿੰਘ ਵਿੱਚ ਆਰਥਿਕ ਸਹਾਇਤਾ ਕਰਨ ਲਈ ਗਈ। ਯੂਨੀਅਨ ਦੇ ਪ੍ਰਧਾਨ ਸੁਰਜਨ ਰਾਮ ਅਤੇ ਪੰਜਾਬ ਮਿਉਂਸਪਲ ਵਰਕਰਜ਼ ਯੂਨੀਅਨ ਦੇ ਪ੍ਰਧਾਨ ਭੋਲਾ ਸਿੰਘ ਢਿੱਲੋਂ ਦੀ ਅਗਵਾਈ ਵਿੱਚ ਗਈ ਇਸ ਟੀਮ ਵਿੱਚ ਹਰਬੰਸ ਲਾਲ ਗਰਗ, ਰਣਜੀਤ ਸਿੰਘ ਅਲੀਕਾ, ਸੁਖਦੇਵ ਸਿੰਘ ਮਾਹੀਨੰਗਲ, ਗੁਰਿੰਦਰ ਸਿੰਘ ਕੈਰੋਂ,ਕਮਲ ਨਰੈਣ, ਬਲਦੇਵ ਰਾਜ, ਰਣਬੀਰ ਰਾਣਾ ਅਤੇ ਜਸਪਾਲ ਮਾਨਖੇੜਾ ਸ਼ਾਮਲ ਸਨ।
ਇਹ ਵੀ ਪੜ੍ਹੋ ਬਠਿੰਡਾ ‘ਚ ਪੁੱਛਾਂ ਦੇਣ ਵਾਲਾ 50 ਤੋਂ ਵੱਧ ਔਰਤਾਂ ਕੋਲੋਂ ਕਿਲੋਂ ਦੇ ਕਰੀਬ ਸੋਨਾ ਤੇ ਚਾਂਦੀ ਲੈ ਕੇ ਹੋਇਆ ਗੁਪਤਵਾਸ
ਇਸ ਟੀਮ ਦੇ ਨਾਲ ਭਾਰਤ ਨਗਰ ਵੈਲਫੇਅਰ ਸੁਸਾਇਟੀ ਬਠਿੰਡਾ ਦੇ ਪ੍ਰਤੀਨਿਧ ਵਜੋਂ ਅਮਰਿੰਦਰ ਸਿੰਘ ਵੀ ਗਿਆ ਸੀ ਜਿਨ੍ਹਾਂ ਵੱਲੋਂ ਅਗਲੇ ਦਿਨਾਂ ਵਿੱਚ ਇਸੇ ਇਲਾਕੇ ਵਿੱਚ ਰਾਹਤ ਸਮੱਗਰੀ ਵੰਡੀ ਜਾਣੀ ਹੈ।ਇਹ ਸਹਾਇਤਾ ਰਾਸ਼ੀ ਨਗਰ ਨਿਗਮ ਬਠਿੰਡਾ ਦੇ ਰਿਟਾਇਰਡ ਮੁਲਜ਼ਮਾਂ ਵੱਲੋਂ ਆਪਣੀ ਇੱਕ ਇੱਕ ਦਿਨ ਦੀ ਪੈਨਸ਼ਨ ਦੇ ਕੇ ਇਕੱਠੀ ਕੀਤੀ ਗਈ ਸੀ। ਤਿੰਨ ਲੱਖ ਛੱਬੀ ਹਜ਼ਾਰ ਪੰਜ ਸੌ ਰੁਪਏ ਦੀ ਇਹ ਰਾਸ਼ੀ ਇੱਕ ਸਰਵੇ ਰਾਹੀਂ ਪਹਿਲਾਂ ਹੀ ਚੁਣ ਲਏ ਗਏ ਛੱਬੀ ਪਰਿਵਾਰਾਂ ਨੂੰ ਦਿੱਤੀ ਗਈ। ਹਰੇਕ ਪਰਿਵਾਰ ਨੂੰ ਸਨਮਾਨ ਪੂਰਵਕ ਦਸ ਦਸ ਹਜ਼ਾਰ ਰੁਪਏ ਦਿੱਤੇ ਗਏ।
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
