Faridkot News: Faridkot ‘ਚ ਇੱਕ ਦਿਲ ਦਿਖਾਉਣ ਵਾਲੀ ਘਟਨਾ ਵਾਪਰਨ ਦੀ ਸਾਹਮਣੇ ਆਈ ਹੈ। ਇੱਕ 6 ਸਾਲਾਂ ਬੱਚੇ ਦਾ ਬਰਹਿਮੀ ਨਾਲ ਕਤਲ ਕਰਕੇ ਲਾਸ਼ ਨੂੰ ਰੱਸੀ ਨਾਲ ਬੰਨਣ ਦੇ ਬਾਅਦ ਨਹਿਰ ਵਿਚ ਸੁੱਟ ਦਿੱਤ ਗਿਆ, ਜਿੱਥੇ ਇੱਕ ਚੌਕੀਦਾਰ ਨੁੰ ਪਤਾ ਲੱਗਣ ‘ਤੇ ਫ਼ਰੀਦਕੋਟ ਪੁਲਿਸ ਵੱਲੋਂ ਲਾਸ਼ ਨੂੰ ਮੁੱਦਕੀ ਮਾਈਨਰ ਦੇ ਪਿੰਡ ਚਹਿਲ ਵਿਚੋਂ ਬਾਹਰ ਕਢਵਾਇਆ ਗਿਆ। ਬੱਚੇ ਦੇ ਸਰੀਰ ‘ਤੇ ਡੂੰਘੇ ਜ਼ਖ਼ਮ ਸਨ ਅਤੇ ਉਸਦੇ ਹੱਥ ਅਤੇ ਪੈਰ ਇੱਕ ਪਤਲੀ ਤਾਰ ਨਾਲ ਬੰਨ੍ਹੇ ਹੋਏ ਸਨ। ਘਟਨਾ ਦੀ ਪੁਸ਼ਟੀ ਕਰਦਿਆਂ ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਬੱਚੇ ਦੇ ਟੀ-ਸ਼ਰਟ ਅਤੇ ਹਾਫ਼ ਪੈਂਟ ਅਤੇ ਸੈਂਡਲ ਪਾਏ ਹੋਏ ਸਨ, ਜਿਸਦੀ ਹਾਲੇ ਪਹਿਚਾਣ ਨਹੀ ਹੋ ਪਾਈ। ਇਸ ਸਬੰਧ ਵਿਚ ਥਾਣਾ ਸਦਰ ਵਿਚ ਪਰਚਾ ਦਰਜ਼ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਥਾਣਾ ਸਦਰ ਦੇ ਐਸਐਚਓ ਇੰਸਪੈਕਟਰ ਰਾਜੇਸ਼ ਕੁਮਾਰ ਨੇ ਗੱਲਬਾਤ ਕਰਦਿਆਂ ਦਸਿਆ ਕਿ ਇਸ ਸਬੰਧ ਵਿਚ ਥਾਣੇ ਅੰਦਰ ਕਤਲ ਦਾ ਪਰਚਾ ਦਰਜ਼ ਕਰ ਲਿਆ ਗਿਆ ਹੈ, ਕਿਉਂਕਿ ਲਾਸ਼ ਦੀ ਹਾਲਾਤ ਅਜਿਹੀ ਜਾਪਦੀ ਹੈ। ਉਨ੍ਹਾਂ ਕਿਹਾ ਕਿ ਬੱਚੇ ਦੀ ਲਾਸ਼ ਮਿਲਣ ਸਬੰਧੀ ਪੂਰੇ ਪੰਜਾਬ ਦੇ ਥਾਣਿਆਂ ਵਿਚ ਮੈਸੇਜ ਭੇਜਿਆ ਗਿਆ ਹੈ ਤਾਂ ਕਿ ਜਿਸਦੇ ਇਲਾਕੇ ਵਿਚੋਂ ਵੀ ਬੱਚਾ ਗਾਇਬ ਹੋਇਆ ਹੋਵੇਗਾ, ਪਤਾ ਲੱਗ ਜਾਵੇਗਾ।
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
