ਦੀਦੀ ਸੁਸ਼੍ਰੀ ਭੁਵਨੇਸ਼ਵਰੀ ਦੇਵੀ ਜੀ ਨੇ ਆਪਣੇ ਪ੍ਰਵਚਨਾਂ ਰਾਹੀਂ ਹਜ਼ਾਰਾਂ ਸ਼ਰਧਾਲੂਆਂ ਨੂੰ ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਵੱਲੋਂ ਦਰਸਾਈ ਭਕਤੀ ਸੇਵਾ ਅਤੇ ਪ੍ਰਭੂ ਨਾਮ ਸਿਮਰਨ ਦੀ ਮਹਿਮਾ ਬਾਰੇ ਵਰਣਨ ਕੀਤਾ
ਵਿਸ਼ਾਲ ਭੰਡਾਰੇ ਦਾ ਆਯੋਜਨ, 1500 ਲੋੜਵੰਦ ਲੋਕਾਂ ਨੂੰ ਗਰਮ ਕੱਪੜਿਆਂ ਦੀ ਕੀਤੀ ਵੰਡ
Bathinda News: Bathinda ਦੀ ਗ੍ਰੀਨ ਸਿਟੀ ਸਥਿਤ ਸ਼੍ਰੀ ਕ੍ਰਿਪਾਲੂ ਕੁੰਜ ਆਸ਼ਰਮ ਵਿੱਚ ਪਰਮ ਪੂਜਨੀਯ ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਨੂੰ 14 ਜਨਵਰੀ 1957 ਨੂੰ ਮਕਰ ਸੰਕ੍ਰਾਂਤੀ ਦੇ ਸ਼ੁਭ ਦਿਨ ਕਾਸ਼ੀ ਵਿਦਵਤ ਪੀਠ, ਵਾਰਾਣਸੀ ਵੱਲੋਂ ਜਗਦਗੁਰੂ ਦੀ ਮਹੱਤਵਪੂਰਨ ਉਪਾਧੀ ਪ੍ਰਦਾਨ ਕੀਤੇ ਜਾਣ ਦੇ ਪਾਵਨ ਅਵਸਰ ਉੱਤੇ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ 14 ਜਨਵਰੀ 2026 ਨੂੰ ਜਗਦਗੁਰੂਤਮ ਦਿਵਸ ਸ਼ਰਧਾ ਅਤੇ ਭਕਤੀ ਭਾਵ ਨਾਲ ਮਨਾਇਆ ਗਿਆ।ਇਸ ਪਾਵਨ ਦਿਨ ਤੇ ਦੀਦੀ ਸੁਸ਼੍ਰੀ ਭੁਵਨੇਸ਼ਵਰੀ ਦੇਵੀ ਜੀ ਨੇ ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਵੱਲੋਂ ਸੰਪੂਰਨ ਮਨੁੱਖਤਾ ਨੂੰ ਦਰਸਾਏ ਗਏ ਭਕਤੀ ਮਾਰਗ ਅਤੇ ਪ੍ਰਭੂ ਨਾਮ ਰਸ ਦੀ ਜੀਵਨ ਵਿੱਚ ਮਹੱਤਤਾ ਬਾਰੇ ਸ਼ਰਧਾਲੂਆਂ ਨਾਲ ਸਾਂਝਾ ਕੀਤਾ।ਸਵੇਰੇ 9 ਵਜੇ ਦੀਦੀ ਜੀ ਨੇ ਸਭ ਤੋਂ ਪਹਿਲਾਂ ਯੁਗਲ ਸਰਕਾਰ (ਸ਼੍ਰੀ ਰਾਧਾ–ਕ੍ਰਿਸ਼ਨ) ਦੇ ਚਰਨਾਂ ਵਿੱਚ ਨਤਮਸਤਕ ਹੋ ਕੇ ਪ੍ਰਵਚਨ ਦੀ ਸ਼ੁਰੂਆਤ ਕੀਤੀ। ਉਨ੍ਹਾਂ ਨੇ ਸ਼੍ਰੀ ਠਾਕੁਰ ਜੀ ਅਤੇ ਸ਼੍ਰੀ ਰਾਧਾ ਰਾਣੀ ਦੇ ਸੁੰਦਰ ਪ੍ਰਸੰਗਾਂ ਰਾਹੀਂ ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਦੀ ਯੁਗਲ ਸਰਕਾਰ ਪ੍ਰਤੀ ਸਮਰਪਿਤ ਭਕਤੀ ਭਾਵਨਾ ਅਤੇ ਮਨੁੱਖੀ ਕਲਿਆਣ ਦੇ ਸੰਦੇਸ਼ ਨੂੰ ਸ਼ਰਧਾਲੂਆਂ ਤੱਕ ਪਹੁੰਚਾਇਆ।ਦੀਦੀ ਜੀ ਨੇ ਦੱਸਿਆ ਕਿ ਯੁਗਲ ਸਰਕਾਰ ਵੱਲੋਂ ਧਰਤੀ ਉੱਤੇ ਮਨੁੱਖ ਰੂਪ ਵਿੱਚ ਕੀਤੀਆਂ ਗਈਆਂ ਲੀਲਾਵਾਂ ਸੰਪੂਰਨ ਮਨੁੱਖਤਾ ਨੂੰ ਸਤਮਾਰਗ ‘ਤੇ ਚਲਣ ਦੀ ਪ੍ਰੇਰਣਾ ਦਿੰਦੀਆਂ ਹਨ ਅਤੇ ਕਲਿਯੁਗ ਵਿੱਚ ਪ੍ਰਭੂ ਨਾਮ ਨਾਲ ਜੁੜ ਕੇ ਜੀਵਨ ਨੂੰ ਕਲਿਆਣ ਵੱਲ ਮੋੜਦੀਆਂ ਹਨ।ਉਨ੍ਹਾਂ ਕਿਹਾ ਕਿ ਪ੍ਰਭੂ ਨਾਮ ਸਿਮਰਨ ਦੀ ਸੇਵਾ ਭਾਵਨਾ ਨਾਲ ਕੀਤਾ ਗਿਆ ਕਾਰਜ ਮਨੁੱਖੀ ਜੀਵਨ ਨੂੰ ਸਹੀ ਦਿਸ਼ਾ ਦਿੰਦਾ ਹੈ। ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਦਾ ਨਾਮ ਅਤੇ ਮਹਿਮਾ ਇੰਨੀ ਅਦਭੁੱਤ ਹੈ ਕਿ ਹਜ਼ਾਰਾਂ ਸਾਲਾਂ ਬਾਅਦ ਵੀ ਉਨ੍ਹਾਂ ਦਾ ਨਾਮ ਲੈਂਦੇ ਹੀ ਤਨ–ਮਨ ਵਿੱਚ ਅਸੀਮ ਆਨੰਦ ਅਤੇ ਸ਼ਾਂਤੀ ਦਾ ਅਨੁਭਵ ਹੁੰਦਾ ਹੈ।ਦੀਦੀ ਜੀ ਨੇ ਪ੍ਰਭੂ ਨਾਮ ਸੰਕੀਰਤਨ ਕਰਵਾ ਕੇ ਸਾਰੇ ਸ਼ਰਧਾਲੂਆਂ ਨੂੰ ਪਰਮਾਤਮਾ ਦੇ ਨਾਮ ਰਸ ਵਿੱਚ ਰਸਭੋਰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਮਾਂ ਰਾਧਾ ਰਾਣੀ ਅਤੇ ਸ਼੍ਰੀ ਕ੍ਰਿਸ਼ਨ ਆਪਣੇ ਭਗਤਾਂ ਨੂੰ ਬਹੁਤ ਪ੍ਰਿਯ ਹਨ। ਸੱਚੇ ਮਨ ਨਾਲ ਕੀਤਾ ਗਿਆ ਪ੍ਰਭੂ ਸਿਮਰਨ ਮਨੁੱਖ ਨੂੰ ਯੁਗਲ ਸਰਕਾਰ ਦੀ ਕਿਰਪਾ ਦਾ ਪਾਤਰ ਬਣਾਉਂਦਾ ਹੈ। ਜਗਦਗੁਰੂ ਸ਼੍ਰੀ ਕ੍ਰਿਪਾਲੂ ਜੀ ਮਹਾਰਾਜ ਨੇ ਭਕਤੀ ਮਾਰਗ ਰਾਹੀਂ ਪ੍ਰਭੂ ਕਿਰਪਾ ਪ੍ਰਾਪਤ ਕਰਨ ਦਾ ਸਰਲ ਅਤੇ ਸੁਗਮ ਰਸਤਾ ਦਰਸਾਇਆ ਹੈ, ਜਿਸ ਦਾ ਸਾਨੂੰ ਅਨੁਸਰਣ ਕਰਨਾ ਚਾਹੀਦਾ ਹੈ।ਇਸ ਮੌਕੇ ‘ਤੇ ਕ੍ਰਿਪਾਲੂ ਕੁੰਜ ਟਰੱਸਟ ਮੈਨੇਜਮੈਂਟ ਵੱਲੋਂ ਵਿਸ਼ਾਲ ਭੰਡਾਰੇ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਹਜ਼ਾਰਾਂ ਸ਼ਰਧਾਲੂਆਂ ਨੇ ਪੂੜੀ–ਛੋਲੇ ਅਤੇ ਮਿੱਠੇ ਹਲਵੇ ਦਾ ਪ੍ਰਸਾਦ ਗ੍ਰਹਿਣ ਕੀਤਾ।ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਕਰੀਬ 1500 ਲੋੜਵੰਦ ਧੀਆਂ, ਭੈਣਾਂ, ਭਰਾਵਾਂ ਅਤੇ ਬਜ਼ੁਰਗਾਂ ਨੂੰ ਦੀਦੀ ਸੁਸ਼੍ਰੀ ਭੁਵਨੇਸ਼ਵਰੀ ਦੇਵੀ ਜੀ ਵੱਲੋਂ ਕ੍ਰਿਪਾਲੂ ਪਦਮਾ ਟਰੱਸਟ ਦੇ ਸਹਿਯੋਗ ਨਾਲ ਸਰਦੀ ਤੋਂ ਬਚਾਅ ਲਈ ਗਰਮ ਕੱਪੜਿਆਂ ਦੀ ਨਿਃਸ਼ੁਲਕ ਵੰਡ ਕੀਤੀ ਗਈ।ਇਸ ਮੌਕੇ ‘ਤੇ ਧਰਮਪਾਲ ਗੋਇਲ (ਡੀ.ਪੀ. ਗੋਇਲ), ਸੁਧੀਰ ਬੰਸਲ, ਅਮ੍ਰਿਤਪਾਲ, ਪ੍ਰਵੀਣ ਗੋਇਲ (ਕਾਟਾ), ਰਾਜੀਵ ਗਰਗ ਰਾਜੂ, ਦੀਪਾਂਸ਼ੁ ਗੋਇਲ, ਪ੍ਰੇਮ ਗੋਇਲ, ਅਸੀਮ ਗਰਗ, ਅਨਿਲ ਗਰਗ, ਸੁਮਿਤ ਗਰਗ, ਸੰਕੇਤ ਗਰਗ, ਨਿਖਿਲ, ਪੰਕਜ ਗੋਇਲ, ਰੇਵਤੀ ਕਾਂਸਲ, ਗੁਰਮੇਲ ਸਿੰਘ ਬਰਾਰ, ਰਾਜਿੰਦਰ ਸਿੰਘ ਯੋਗੀ, ਕਮਲ ਮਿੱਤਲ, ਮਨੋਜ ਮਿੱਤਲ ਮਨੀ, ਅਮਿਤ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਹਾਜ਼ਰ ਰਹੇ।
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
