Bathinda News:ਬੀ.ਬੀ.ਸੀ.ਆਈ. ਵੱਲੋਂ ਕਰਨਲ ਸੀ.ਕੇ. ਨਾਇਡੂ ਟਰਾਫ਼ੀ (ਅੰਡਰ-23) ਲਈ ਪੰਜਾਬ ਦੀ ਟੀਮ ਵਿੱਚ ਡੀ.ਏ.ਵੀ ਕਾਲਜ ਬਠਿੰਡਾ ਦੇ ਖਿਡਾਰੀਆਂ ਯੂਵੀ ਗੋਇਲ, ਦਿਲਵ ਗੋਇਲ ਅਤੇ ਰੇਵਨਪ੍ਰੀਤ ਸਿੰਘ ਦੀ ਚੋਣ ਕੀਤੀ ਗਈ ਹੈ।ਇਹ ਤਿੰਨੇ ਖਿਡਾਰੀ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਅਤੇ ਲਗਾਤਾਰ ਮਿਹਨਤ ਨਾਲ ਚੋਣਕਰਤਿਆਂ ਦੀ ਨਜ਼ਰ ਵਿੱਚ ਆਏ ਹਨ। ਉਨ੍ਹਾਂ ਦੀ ਇਸ ਪ੍ਰਾਪਤੀ ਨਾਲ ਨਾ ਸਿਰਫ਼ ਉਨ੍ਹਾਂ ਦੇ ਪਰਿਵਾਰ ਅਤੇ ਕਾਲਜ, ਸਗੋਂ ਸਾਰੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ ਹੈ।ਕਾਲਜ ਦਾ ਖਿਡਾਰੀ ਉਦੇ ਪ੍ਰਤਾਪ ਸਹਾਰਨ ਰਣਜੀ ਟਰਾਫ਼ੀ ਲਈ ਚੁਣਿਆ ਗਿਆ ਹੈ ਜਿਹੜਾ ਪਹਿਲਾਂ (ਅੰਡਰ 19) ਵਰਲਡ ਕੱਪ ਕ੍ਰਿਕਟ ਟੀਮ ਇੰਡੀਆ ਦਾ ਕਪਤਾਨ ਰਿਹਾ ਹੈ।
ਇਹ ਵੀ ਪੜ੍ਹੋ Moga Police ਵੱਲੋ ਗੁੰਮ ਹੋਏ 250 ਮੋਬਾਇਲ ਫੋਨ ਬ੍ਰਾਮਦ
ਉਦੇ ਪ੍ਰਤਾਪ ਸਹਾਰਨਨੇ ਹਾਲ ਹੀ ਵਿਚ ਖੇਡੇ ਗਏ ਪੰਜਾਬ ਰਣਜੀ ਟਰਾਫ਼ੀ ਲਈ ਪਹਿਲੇ ਮੈਚ ਵਿਚ ਹਾਫ ਸੈਂਚਰੀ ਬਣਾ ਕੇ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ।ਕਾਲਜ ਪ੍ਰਿੰਸੀਪਲ ਡਾ. ਰਾਜੀਵ ਕੁਮਾਰ ਸ਼ਰਮਾ ਨੇ ਸਰੀਰਕ ਸਿੱਖਿਆ ਵਿਭਾਗ ਦੇ ਮੁਖੀ ਪ੍ਰੋ. ਕੁਲਦੀਪ ਸਿੰਘ, ਪ੍ਰੋ. ਨਿਰਮਲ ਸਿੰਘ, ਪ੍ਰੋ. ਲਵਪ੍ਰੀਤ ਕੌਰ ਅਤੇ ਪ੍ਰੋ. ਅਜੇ ਵਾਲੀਆ ਦੀ ਨਿਰੰਤਰ ਮਿਹਨਤ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਕ੍ਰਿਕਟ ਕੋਚ ਸ਼੍ਰੀ ਰਾਜੀਵ ਮੋਹੰਤੀ ਦਾ ਉਚੇਚੇ ਤੌਰ ‘ਤੇ ਧੰਨਵਾਦ ਕੀਤਾ। ਉਨ੍ਹਾਂ ਖਿਡਾਰੀਆਂ ਨੂੰ ਇਸ ਪ੍ਰਾਪਤੀ ਲਈ ਵਧਾਈਆਂ ਦਿੰਦਿਆਂ ਉਨ੍ਹਾਂ ਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
