Canada News : ਪੰਜਾਬ ਤੋਂ ਜਾਅਲੀ ਵਿਆਹਾਂ ਰਾਹੀਂ ਕੈਨੇਡਾ (Canada) ‘ਚ ਸੈੱਟਲ ਹੋਣ ਦਾ ਖਵਾਬ ਦੇਖਣ ਵਾਲਿਆਂ ਦੀ ਹੁਣ ਖੈਰ ਨਹੀਂ ਹੋਵੇਗੀ। ਆਈਲੈਟਸ ਵਿਚ ਬੈਂਡ ਹਾਸਲ ਕਰਨ ਵਾਲੀਆਂ ਲੜਕੀਆਂ ਨਾਲ ‘ਕੰਟਰੈਕਟ ਮੈਰਿਜ਼'(Contract Marriage) ਕਰਵਾ ਕੇ ਇੰਨ੍ਹਾਂ ਜਾਅਲੀ ਵਿਆਹਾਂ ਦੇ ਕੈਨੇਡਾ ਵਿਚ ਥੋੜੇ ਸਮੇਂ ਬਾਅਦ ਹੋ ਰਹੇ ਤਲਾਕਾਂ( Divorces) ਦੇ ਵਧ ਰਹੇ ਰੁਝਾਨ ਨੂੰ ਦੇਖਦਿਆਂ ਕੈਨੇਡਾ ਸਰਕਾਰ ਚੌਕੰਨੀ ਹੋਈ ਹੈ। ਪਿਛਲੇ ਸਮਿਆਂ ਦੌਰਾਨ ਕੀਤੀ ਅੰਦਰੂਨੀ ਪੜਤਾਲ ਤੋਂ ਬਾਅਦ ਹੁਣ ਕੈਨੇਡੀਅਨ ਇਮੀਗ੍ਰੇਸ਼ਨ ਵਿਭਾਗ (IRCC) ਨੇ ਐਲਾਨ ਕੀਤਾ ਹੈ ਕਿ ‘‘ਜੇਕਰ ਕੈਨੇਡਾ ਵਿਚ ਜਾਅਲੀ ਵਿਆਹ ਕਰਵਾ ਕੇ ਕੋਈ ਇੱਥੇ ਆਉਂਦਾ ਹੈ ਤਾਂ ਪਤਾ ਲੱਗਣ ‘ਤੇ ਨਾਂ ਸਿਰਫ਼ ਵੀਜ਼ਾ ਤੁਰੰਤ ਰੱਦ ਕਰ ਦਿੱਤਾ ਜਾਵੇਗਾ, ਬਲਕਿ ਦੋਸ਼ੀ ਕਰਾਰ ਦਿੱਤੇ ਵਿਅਕਤੀ ‘ਤੇ ਪੰਜ ਸਾਲਾਂ ਲਈ ਮੁੜ ਕੈਨੇਡਾ ਆਉਣ ‘ਤੇ ਬੈਨ ਲੱਗ ਜਾਵੇਗਾ। ”
ਇਸੇ ਤਰ੍ਹਾਂ ਉਸ ਵਿਰੁਧ ਅਪਰਾਧਿਕ ਦੋਸ਼ ਲਗਾਏ ਜਾਣਗੇ ਅਤੇ ਸਪਾਂਸਰਡ ਵਿਅਕਤੀ ਨੂੰ ਮਿਲਣ ਵਾਲੀ ਸਰਕਾਰੀ ਸਮਾਜਿਕ ਸਹਾਇਤਾ ਦੀ ਪੂਰੀ ਰਕਮ ਉਸਤੋਂ ਵਸੂਲ ਕੀਤੀ ਜਾਵੇਗੀ। ਕੈਨੇਡੀਅਨ ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ਜੇਕਰ ਕੋਈ ਵੀ ਕੈਨੇਡੀਅਨ ਨਾਗਰਿਕ ਜਾਂ ਸਥਾਈ ਨਿਵਾਸੀ (PR) ਜੋ ਅਜਿਹੇ ਜਾਅਲੀ ਰਿਸ਼ਤੇ ਵਿੱਚ ਸ਼ਾਮਲ ਪਾਇਆ ਗਿਆ, ਉਸ ‘ਤੇ ਅਪਰਾਧਿਕ ਦੋਸ਼ ਲਗਾਏ ਜਾਣਗੇ। ਜੇਕਰ ਧੋਖਾਧੜੀ ਦਾ ਪਤਾ ਲੱਗਦਾ ਹੈ, ਤਾਂ ਵਿਅਕਤੀ ਨੂੰ ਤਿੰਨ ਸਾਲਾਂ ਲਈ ਆਪਣੇ ਸਾਥੀ ਦੇ ਪੂਰੇ ਵਿੱਤੀ ਖਰਚੇ ਸਹਿਣੇ ਪੈਣਗੇ, ਭਾਵੇਂ ਵਿਆਹ ਅਗਲੇ ਦਿਨ ਹੀ ਖਤਮ ਹੋ ਜਾਵੇ। ਕੈਨੇਡਾ ਦੇ ਇੰਮੀਗਰੇਸ਼ਨ ਵਿਭਾਗ ਅਤੇ ਬਾਰਡਰ ਸਰਵਿਸਿਜ਼ ਏਜੰਸੀ ਨੂੰ ਪਿਛਲੇ ਕੁਝ ਸਾਲਾਂ ਵਿੱਚ ਸਪਾਂਸਰਸ਼ਿਪ ਧੋਖਾਧੜੀ ਦੀਆਂ ਹਜ਼ਾਰਾਂ ਸ਼ਿਕਾਇਤਾਂ ਮਿਲੀਆਂ ਹਨ।
ਜਿਕਰਯੋਗ ਹੈ ਕਿ ਪਿਛਲੇ ਕੁੱਝ ਸਾਲਾਂ ਤੋਂ ਇੱਕ ਵੱਡਾ ਰੁਝਾਨ ਚੱਲਦਾ ਆ ਰਿਹਾ, ਜਿਸਦੇ ਵਿਚ ਆਈਲੈਟਸ ਵਿਚ ਚੰਗੇ ਬੈਂਡ ਪ੍ਰਾਪਤ ਨਾ ਕਰਨ ਵਾਲੇ ਨੌਜਵਾਨਾਂ ਦੀ ਕੰਟਰੈਕਟ ਮੈਰਿਜ਼ ਬੈਂਡ ਹਾਸਲ ਕਰਨ ਵਾਲੀ ਲੜਕੀ ਨਾਲ ਕਰ ਦਿੱਤਾ ਜਾਂਦਾ ਸੀ ਤੇ ਲੜਕੀ ਦੇ ਕੈਨੇਡਾ ਸੈੱਟਲਡ ਹੋਣ ਤੱਕ ਦਾ ਖਰਚਾ ਲੜਕੇ ਦੇ ਪ੍ਰਵਾਰ ਵੱਲੋਂ ਕੀਤਾ ਜਾਂਦਾ ਤੇ ਬਦਲੇ ਵਿਚ ਉਕਤ ਲੜਕੀ ਆਪਣੇ ਨਾਲ ਕੰਟਰੈਕਟ ਮੈਰਿਜ ਕਰਨ ਵਾਲੇ ਮੁੰਡੇ ਨੂੰ ਉਥੇ ਸੱਦ ਲੈਂਦੀ ਸੀ। ਅਜਿਹੇ ਵਿਆਹਾਂ ਦੇ ਕਾਰਨ ਕੈਨੇਡਾ ਵਿਚ ਵਿਆਹ ਦੇ ਰਿਸ਼ਤੇ ਤੋੜਨ ਦੇ ਮਾਮਲਿਆਂ ਵਿੱਚ ਲਗਾਤਾਰ ਵਾਧਾ ਹੋਇਆ ਹੈ।
ਇਹ ਵੀ ਪੜ੍ਹੋ 👉ਕਿਰਾਏ ’ਤੇ ਮਿਲ ਰਹੀਆਂ ਸੁੰਦਰ ਪਤਨੀਆਂ..!
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
