Ludhiana News: ਪੰਜਾਬ ਦੀਆਂ ਜੇਲ੍ਹਾਂ ਅੰਦਰ ਨਸ਼ਿਆਂ ਤੇ ਮੋਬਾਇਲ ਦੀ ਬਰਾਮਦਗੀ ਦਾ ਮੁੱਦਾ ਹਮੇਸ਼ਾ ਹੀ ਬਣਿਆ ਰਿਹਾ। ਬੇਸ਼ੱਕ ਸਰਕਾਰ ਵੱਲੋਂ ਸਖ਼ਤੀ ਕੀਤੀ ਜਾ ਰਹੀ ਹੈ ਪ੍ਰੰਤੂ ਇਸਦੇ ਬਾਵਜੂਦ ਕੁੱਝ ਅਧਿਕਾਰੀ ਤੇ ਮੁਲਾਜਮ ਇਸ ਗੌਰਖਧੰਦੇ ਵਿਚ ਲੱਗੀਆਂ ਹੋਈਆਂ ਹਨ। ਅਜਿਹਾ ਹੀ ਇੱਕ ਮਾਮਲਾ ਲੁਧਿਆਣਾ ਦੇ ਵਿਚ ਸਾਹਮਣੇ ਆਇਆ ਹੈ, ਜਿੱਥੇ ਇੱਕ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਜੇਲ੍ਹ ਅੰਦਰ ਹੈਰੋਇਨ ਤੇ ਮੋਬਾਇਲ ਫ਼ੋਨ ਦੀ ਸਪਲਾਈ ਕਰਦੇ ਹੋੲੈ ਇੱਕ ਸਹਾਇਕ ਜੇਲ੍ਹਰ ਨੂੰ ਹੀ ਗ੍ਰਿਫਤਾਰ ਕੀਤਾ ਗਿਆ। ਇਸਦੇ ਨਾਲ ਹੀ ਦੋ ਉਨ੍ਹਾਂ ਹਵਾਲਾਤੀਆਂ ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ, ਜਿੰਨ੍ਹਾਂ ਦੇ ਕੋਲ ਇਹ ਹੈਰੋਇਨ ਪੁੱਜਣੀ ਸੀ।
ਇਹ ਵੀ ਪੜ੍ਹੋ ਔਰਤ ਪਿੱਛੇ ਹੋਏ ਦੂਜੇ ਕ+ਤ+ਲ ਦਾ Moga Police ਵੱਲੋ ਪਰਦਾਫ਼ਾਸ; 2 ਮੁਲਜ਼ਮ ਕਾਬੂ, 3 ਫ਼ਰਾਰ
ਮਾਮਲੇ ਦੀ ਪੁਸ਼ਟੀ ਕਰਦਿਆਂ ਲੁਧਿਆਣਾ ਪੁਲਿਸ ਦੇ ਅਧਿਕਾਰੀਆਂ ਨੇ ਦਸਿਆ ਕਿ ਕੇਂਦਰੀ ਜੇਲ੍ਹ ਦੇ ਸੁਰੱਖਿਆ ਡਿਪਟੀ ਸੁਪਰਡੈਂਟ ਜਗਜੀਤ ਸਿੰਘ ਦੇ ਬਿਆਨਾਂ ਦੇ ਆਧਾਰ ‘ਤੇ ਸਹਾਇਕ ਜੇਲ੍ਹ ਸੁਪਰਡੈਂਟ ਸੁਖਵਿੰਦਰ ਸਿੰਘ ਅਤੇ ਹਵਾਲਾਤੀ ਫਿਰੋਜ਼ੁਦੀਨ ਤੇ ਦੀਪਕ ਵਿਰੁੱਧ ਆਈਪੀਸੀ ਦੀ ਧਾਰਾ 20, 22, 29 ਅਤੇ 52-ਏ(1) ਤਹਿਤ ਮਾਮਲਾ ਦਰਜ ਕੀਤਾ ਗਿਆ। ਮਿਲੀ ਜਾਣਕਾਰੀ ਮੁਤਾਬਕ ਇਹ ਘਟਨਾ ਸ਼ਨੀਵਾਰ ਦੁਪਹਿਰ ਦੀ ਦੱਸੀ ਜਾ ਰਹੀ ਹੈ ਕਿ ਜਦ ਡਿਪਟੀ ਜੇਲ ਸੁਪਰਡੈਂਟ ਜਗਜੀਤ ਸਿੰਘ ਦੁਆਰਾ ਸੀਆਰਪੀਐਫ ਜਵਾਨਾਂ ਨਾਲ ਮਿਲਕੇ ਸੁਰੱਖਿਆ ਜਾਂਚ ਕੀਤੀ ਜਾ ਰਹੀ ਸੀ।
ਇਹ ਵੀ ਪੜ੍ਹੋ ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਵੱਲੋ MP Harsimrat Kaur Badal ਦੇ ਦਫਤਰ ਦੇ ਸਾਹਮਣੇ ਰੋਸ ਪ੍ਰਦਰਸ਼ਨ
ਇਸ ਦੌਰਾਨ ਜੇਲ੍ਹ ਦੇ ਬਾਹਰ ਲੱਗੀ ਐਲਈਡੀ ਦੀ ਜਾਂਚ ਕੀਤੀ ਗਈ,ਤਾਂ ਇਸਦੇ ਪਿਛਲੇ ਪਾਸੇ ਡਬਲ ਟੇਪ ਨਾਲ ਨਸ਼ੀਲੇ ਪਦਾਰਥ ਚਿਪਾਇਆ ਹੋਇਆ ਸੀ। ਤਲਾਸ਼ੀ ਦੌਰਾਨ ਐਲਈਡੀ ਵਿਚੋਂ 205 ਗ੍ਰਾਂਮ ਹੈਰੋਇਨ ਅਤੇ ਇਸਦੇ ਵਿਚੋਂ ਦਸ ਮੋਬਾਈਲ ਫੋਨ ਵੀ ਬਰਾਮਦ ਹੋਏ। ਜੇਲ੍ਹ ਅਧਿਕਾਰੀਆਂ ਵੱਲੋਂ ਜਦ ਸੀਸੀਟੀਵੀ ਦੀ ਜਾਂਚ ਕੀਤੀ ਗਈ ਤਾਂ ਸਹਾਇਕ ਸੁਪਰਡੈਂਟ ਸੁਖਵਿੰਦਰ ਸਿੰਘ ਦਾ ਨਾਮ ਸਾਹਮਣੇ ਆਇਆ। ਫ਼ਿਲਹਾਲ ਮਾਮਲੇ ਦੀ ਜਾਂਚ ਜਾਰੀ ਹੈ ਕਿ ਮੁਲਜਮ ਜੇਲ੍ਹ ਅਧਿਕਾਰੀ ਨੂੰ ਇਹ ਨਸ਼ਾ ਤੇ ਮੋਬਾਇਲ ਕੌਣ ਦੇ ਕੇ ਜਾਂਦਾ ਸੀ ਤੇ ਇਸ ਗੌਰਖਧੰਦੇ ਵਿਚ ਹੋਰ ਕੌਣ-ਕੌਣ ਸ਼ਾਮਲ ਹੈ।
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
